Næsti skipulagsdagur í leikskólanum verður þriðjudagurinn 10. apríl.

Við óskum ykkur öllum gleðilegra páska.

Tveir leikskólakennaranemar  hafa verið hér hjá okkur í starfsnámi síðustu vikur.

Nemi á þriðja ári var í Sjónarhóli og nemi á fyrsta ári er að klára sitt tímabil í Kattholti.

Það er alltaf gaman að fá nema í starfsnám, það tengir okkur við Kennaraháskólann og við getum miðlað til nema af þeirri miklu reynslu og þekkingu sem er hér í leikskólanum.

Síðast liðin vika var þemavika hjá okkur, þar sem við tókum fyrir efnið "fjölmenning". Við skoðuðum þjóðfána allra landa sem tengast börnum og starfsmönnum hér í leikskólanum. Misjafnt var hvernig hver deild vann að þessu, þannig að margar hugmyndir komu fram sem við söfnum í möppu.

Meðal hugmynda sem komu fram voru, að foreldrar skrifuðu "góðan dag" við sinn fána, sungið var á öðru tungumáli, foreldrar komu með bækur, þjóðbúning og kort, börnin teiknuðu og lituðu sinn fána og elstu börnin teiknuðu hnattkort.